Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1014 von unsers herren minnen:
         Dô er die vrâge wolde lân
        und wider in sîn klôster gân,
        dô erweinde daz kint vil lûte
        und kunte dem gotes trûte
1019 daz ez dâ wære.
        dô sprach der gewære:
        'hie ist ein kint inne.
        saget mir in der minne,
        wâ habet irz genomen?
1024 wie ist ez iu zuo komen?
        daz wil ich wizzen, crêde mich.'
        dô bedâhten si sich
        und sageten im als ich iu ê,
        wie si ez vunden ûf dem sê.
1029 nû hiez erz heben ûf den sant
        unde lœsen abe diu bant.
        dô sach er ligen dar inne
        seltsæne gewinne,
        ein kint, daz im sîn herze jach
1034 daz er sô schœnez nie gesach.
[ zurück ]